Angliya chempionatining 19-turi doirasida "Chelsi" o‘z uyida "Sautgempton"ni qabul qilib, imkoniyatni boy berib qo‘ydi.

Frenk Lempardning yosh shogirdlari barqarorlik yetishmayapti. Bugun ularning o‘yini qovushmadi. Bahsning 31-daqiqasida Xeybyerg qanotdan yetkazib bergan uzatmani qabul qilgan Obafemi jarima maydoniga kirdi va aniq zarba bilan hisobni ochdi.

Oradan 8 daqiqa o‘tib londonliklar hisobni tenglashtirishlari mumkin edi. Villian tomonidan yo‘llangan zarbani Aspilikueta darvoza tomon burib qo‘ydi. "Sautgempton" posbon aqlbovar seyv bilan zarbani qaytardi.

Ikkinchi bo‘lim boshida Abraxamning zarbasiga biroz aniqlik yetishmagan bo‘lsa, oradan 2 daqiqa o‘tib Adams yaqin masofadan to‘pni darvozaga bura olmadi. Bahsning 73-daqiqasida esa olis masofadan yetkazilgan uzatma uchun kurashda Natan Redmond darvozabondan ustun keldi va to‘pni darvozaga joyladi.

Ushbu g‘alaba tufayli "Sautgempton" o‘z ochkolarini 21taga yetkazib, xavfli zonadan biroz uzoqlashdi.

Angliya chempionati, 19-tur
Chelsi – Sautgempton 0:2 (0:1, 0:1)
Gollar: 0:1 – 31 Obafemi, 0:2 – 73 Redmond.
Chelsi – Arrisabalaga, Aspilikueta, Ryudiger, Tomori, Emerson, Villian (Pedro, 84), Jorjinyo, Xadson-Odoi (Pulishich, 67), Kante, Zuma (Maunt, 46), Abraxam.
Sautgempton – Makkarti, Bednarek, Stivens, Soaresh, Bertran, Uord-Prouz, Redmond, Armstrong (Romeu, 86), Xeybyerg, Adams (Bufal, 80), Obafemi (Ingz, 69).
Ogohlantirishlar: Bertran (30), Jorjinyo (58), Kante (62), Tomori (62), Bufal (90).