«Barselona» markaziy himoyachsi Jan-Kler Todibo «Milan»ga o‘tishga yaqin turibdi. Bu haqda Calciomercato xabar tarqatdi.

Manbaga ko‘ra, «ko‘k-anorranglilar» futbolchining transferi borasida «rossoneri» rahbariyati bilan muzokara o‘tkazishdi. Ammo klublar hozircha bir to‘xtamga kela olishmadi. Kataloniyaliklar Todibo uchun 20 million yevro talab qilayotgan bo‘lsa, italiyaliklar 15 mln berishmoqchi.

Eslatib o‘tamiz, «Manchester Yunayted» va «Monako» klublari ham Todiboga da’vogarlik qilishmoqda.

Fransiyalik futbolchi ushbu mavsum La liga doirasida 2ta o‘yinda maydonga tushdi.