Angliyaning «Vulverxempton» klubi hujumchisi Adama Traore «Manchester Siti» (3:2) klubi ustidan qozonilgan g‘alaba haqida hissiyotlarga berilgan holda fikr bildirdi.
— Bu ajoyib jamoa. Vaziyat qanday bo‘lishidan qat’iy nazar oxirigacha kurash olib boramiz. Buni bugun isbotladik, bu uchun juda xursandman. Jamoamizning xar bir a’zosi qattiq mehnat qildi, mana shunday natijaga erishishimizga barchamiz ishongandik. «Liverpul» bilan qanday o‘ynash kerak? Ular ajoyib jamoa va zahirasida ko‘p ochkosi bor. Kurash olib borishda davom etamiz, - Traorening so‘zlaridan iqtibos keltirmoqda BBC.













