BAAda yig‘in o‘tkazayotgan futbol bo‘yicha O‘zbekiston Olimpiya terma jamoasi navbatdagi o‘rtoqlik uchrashuvini o‘tkazdi. Bu gal jamoamizga BAA chempionatining 1-divizioni vakili “Al Hamriya” klubi raqiblik qildi.

Lyubinko Drulovich shogirdlari mazkur bahsni yirik 3:0 hisobida o‘z foydalariga hal qila olishdi. Uchrashuvdagi gollarga Azizjon G‘aniyev, Jasurbek Yaxshiboyev hamda Doston Ibragimov mualliflik qildi.

Nazorati o‘yini
“Al-Hamriya” (BAA) – O‘zbekiston U-23 0:3
Gollar: Azizjon G‘aniyev (23), Jasurbek Yaxshiboyev (81), Doston Ibragimov (90).
O‘zbekiston U-23: Abduvohid Ne’matov, Islom Qobilov, Hojiakbar Alijonov, Abdulla Abdullayev, Aziz G‘aniyev, Nurillo To‘xtasinov, Mirjahon Mirahmadov, Islom Kenjaboyev, Ilhom Alijonov, Husniddin Aliqulov, Sanjar Qodirqulov.
Zaxira: Nizom Ziyovutdinov, Mashxur Muhammadjonov, Dilshod Saitov, Sherzod Nasrullayev, Oybek Rustamov, Sharof Muhiddinov, Jasurbek Yaxshiboyev, Abror Ismoilov, Aziz Amonov, Oybek Bozorov, Doston Ibragimov, Bobur Abdixoliqov.

Shuning bilan vakillarimizning BAAdagi yig‘ini ham o‘z yakuniga yetib bormoqda. Jamoamiz yangi yilning ilk kunidan boshlab Tailand safariga yo‘l oladi. 3 yanvar kuni esa futbolchilarimiz OCHga tayyorgarning oxirgi bosqichida Bangkokda Qatar OTJga qarshi so‘nggi nazorat uchrashuvida maydonga tushishadi.