Angliya chempionatining 21-turi doirasida bugun markaziy o‘yin bo‘lib o‘tdi. «Arsenal» o‘z uyida «Manchester Yunayted»ni qabul qilib, ishonchli g‘alabani qo‘lga kiritdi.

"Kanonirlar" birinchi bo‘lim davomida ustunlikka erishib, amalda g‘alabani naqd qilib qo‘yishdi. Bahsning 8-daqiqasidayoq Nikolas Pepe hisobni ochishgan bo‘lsa, bo‘lim so‘ngida Papastatopulos farqni ikkitaga oshirdi.

Ikkinchi bo‘limda Sulsher shogirdlari raqib darvozasi tomon bosimni oshirishdi. Ammo londonliklar yaxshi himoyalanib, g‘alabani ushlab qolishdi.

Arteta boshchiligidagi "Arsenal"ning ilk g‘alabasi jamoaga 10-o‘rinni saqlab qolishga imkon berdi. Aks holda ular 14-pog‘onaga tushib ketishlari mumkin edi. "MYU" esa 4-o‘rindagi "Chelsi"ga yaqinlashib olish imkoniyatini qo‘ldan chiqardi.

Angliya chempionati, 21-tur
Arsenal – Manchester Yunayted 2:0 (2:0, 0:0)
Gollar: 1:0 – 8 Pepe, 2:0 – 42 Papastatopulos.
Arsenal – Leno, Meytlend-Naylz, Papastatopulos, David Luiz, Kolashinas (Saka, 69), Torreyra, Jaka, Pepe (Nelson, 62), Ozil, Obameyang, Lyakazett (Genduzi, 82).
Manchester Yunayted – De Xea, Uan-Bissaka, Lindelef, Maguayr, Shou, Fred, Matich (Mata, 81), Jeyms (Grinvud, 58), Lingard (Pereyra, 58), Reshford, Marsyal.
Ogohlantirishlar: Kolashinas (3), Saka (82).