Англия чемпионатининг 21-тури доирасида бугун марказий ўйин бўлиб ўтди. «Арсенал» ўз уйида «Манчестер Юнайтед»ни қабул қилиб, ишончли ғалабани қўлга киритди.

"Канонирлар" биринчи бўлим давомида устунликка эришиб, амалда ғалабани нақд қилиб қўйишди. Баҳснинг 8-дақиқасидаёқ Николас Пепе ҳисобни очишган бўлса, бўлим сўнгида Папастатопулос фарқни иккитага оширди.

Иккинчи бўлимда Сульшер шогирдлари рақиб дарвозаси томон босимни оширишди. Аммо лондонликлар яхши ҳимояланиб, ғалабани ушлаб қолишди.

Артета бошчилигидаги "Арсенал"нинг илк ғалабаси жамоага 10-ўринни сақлаб қолишга имкон берди. Акс ҳолда улар 14-поғонага тушиб кетишлари мумкин эди. "МЮ" эса 4-ўриндаги "Челси"га яқинлашиб олиш имкониятини қўлдан чиқарди.

Англия чемпионати, 21-тур
Арсенал – Манчестер Юнайтед 2:0 (2:0, 0:0)
Голлар: 1:0 – 8 Пепе, 2:0 – 42 Папастатопулос.
Арсенал – Лено, Мэйтленд-Найлз, Папастатопулос, Давид Луиз, Колашинац (Сака, 69), Торрейра, Жака, Пепе (Нелсон, 62), Озил, Обамеянг, Ляказетт (Гендузи, 82).
Манчестер Юнайтед – Де Хеа, Уан-Биссака, Линделеф, Магуайр, Шоу, Фред, Матич (Мата, 81), Жеймс (Гринвуд, 58), Лингард (Перейра, 58), Рэшфорд, Марсьяль.
Огоҳлантиришлар: Колашинац (3), Сака (82).