Avval xabar berib o‘tganimizdek, bugundan e’tiboran “Andijon” jamoasi yangi mavsumga tayyorgarlikni Yangiyer shahrida boshladi.
Bugun tunda jamoa bosh murabbiyi Aleksandr Xomyakov Volgogram-Moskva-Toshkent yo‘nalishi orqali mamlakatimizga uchib keldi va jamoaning Yangiyer shahridagi mashg‘ulotlarini boshladi.
Jamoa tarkibiga yangi futbolchilardan - yakuniga yetgan mavsumda Termizning “Surxon” jamoasida o‘ynagan darvozabon Sardor Qobuljonov, Toshkentning “Lokomotiv” jamoasida o‘ynagan darvozabon Aslon Axrorov, Farg‘onaning “Istiqlol” jamoasi a’zosi Rustam Abdulhamidovlar kabi futbolchilar kelib qo‘shildi.
Shuningdek, o‘tgan mavsumda “Andijon” jamoasida o‘ynagan Qahramon Bahodirov, Farhod Mirahmatov va Doniyor Ismoilovlar ham bugundan boshlangan mashg‘ulotlarimizda ishtirok etishmoqda.