Italiyaning «Inter» klubi ijrochi direktori Djuzeppe Marotta «Tottenxem» yarim himoyachisi KristianEriksen jamoaga kelishi mumkinligi haqidagi xabarlarga munosabat bildirdi.
«Muhim futbolchilar bizga tez-tez murojaat qilib turadilar. Eriksen – ajoyib futbolchi, shartnomasi iyun oyida o‘z yakuniga yetadi va biz «Tottenxem» klubi bilan bog‘lanmadik. U bilan ko‘plab jamoalar qiziqishlari tayin, lekin biz hali daniyalik futbolchi bilan muzokara olib bormadik.
Uni muhim va qiziqarli futbolchi deb shunchaki aytyapman. To‘g‘ri, biz yarim himoyachi izlayapmiz, bizda bir qator klublarning va agentlarning telefon raqamlari bor. Biz hali so‘nggi qarorni qabul qilmadik, jamoaning saviyasi yuqori darajada qolishi uchun barcha narsani xotirjam amalga oshirishimiz kerak» dedi Marotta.
