Италиянинг «Интер» клуби ижрочи директори Джузеппе Маротта «Тоттенхэм» ярим ҳимоячиси КристианЭриксен жамоага келиши мумкинлиги ҳақидаги хабарларга муносабат билдирди.
«Муҳим футболчилар бизга тез-тез мурожаат қилиб турадилар. Эриксен – ажойиб футболчи, шартномаси июнь ойида ўз якунига етади ва биз «Тоттенхэм» клуби билан боғланмадик. У билан кўплаб жамоалар қизиқишлари тайин, лекин биз ҳали даниялик футболчи билан музокара олиб бормадик.
Уни муҳим ва қизиқарли футболчи деб шунчаки айтяпман. Тўғри, биз ярим ҳимоячи излаяпмиз, бизда бир қатор клубларнинг ва агентларнинг телефон рақамлари бор. Биз ҳали сўнгги қарорни қабул қилмадик, жамоанинг савияси юқори даражада қолиши учун барча нарсани хотиржам амалга оширишимиз керак» деди Маротта.
