Angliya chempionatining 22-turi doirasida «Manchester Siti» safarda «Aston Villa» klubi mehmoni bo‘lib, safardan yirik hisobdagi g‘alaba bilan qaytdi.

"Shaharliklar"ning 6ta goliga mezbonlar o‘yin so‘ngida bir marta penaltidan javob qaytarishdi. Mahrez "dubl"ga erishgan bo‘lsa, Serxio Aguero "xet-trik"ni rasmiylashtirdi. "Siti"ning yana bir goli Gabriyel Jezus hisobiga yozildi.

"Lester"ning kechagi mag‘lubiyatidan foydalangan "Manchester Siti" o‘z ochkolarini 47taga yetkazib, jadvalda 2-o‘ringa ko‘tarilib oldi. Gvardiola jamoasi peshqadam "Liverpul"dan 14 ochko ortda qolmoqda.

Angliya chempionati, 22-tur
Aston Villa – Manchester Siti 1:6 (0:4, 1:2)
Gollar: 0:1 – 18 Mahrez, 0:2 – 24 Mahrez, 0:3 – 28 Aguero, 0:4 – 45 Gabriel Jezus, 0:5 – 57 Aguero, 0:6 – 81 Aguero, 1:6 – 90, penalti El-G‘oziy.
Aston Villa – Nyuland, Al-Muhammadiy, Mingz, Xoz, Teylor, Xurixeyn (Trezege, 71), Drinkuoter (Lensberi, 79), El-G‘oziy, Duglas Luis (Nakamba, 65), Grilish, Konsa.
Manchester Siti – Ederson, Mendi, Joau Kanselu, Stounz, de Bryuyne (Foden, 63), Rodri Ernandes (Gyundogan, 71), Silva, Fernandinyo (Otamendi, 63), Mahrez, Aguero, Gabriel Jezus.
Ogohlantirishlar: Fernandinyo (50), El-G‘oziy (53), Grilish (80).