«Manchester Siti» ustozi Pep Gvardiola «Aston Villa» ustidan qozonilgan yirik (1:6) hisobdagi g‘alabadan so‘ng jurnalisltar savollariga javob berib o‘tdi
Aguero APLda rekord o‘rnatganidan xabaringiz bormi?
Ha albatta, uni tabrikladim. Kiyinish xonasida yigitlar ham uni qutlashdi. Bugun u rekord o‘rtnadi va afsonaviy Tiyeri Anrini quvib o‘tdi. Endilikda uning hisobida APLdagi eng ko‘p Xet-triklar mavjud. Shuningdek, gollar soni bo‘yicha Anridan ilgarilab ketdi. Barchasini ko‘zim bilan ko‘rib turish men uchun sharaf. Umid qilamanki, u yanada ko‘proq gol kiritishga harakat qiladi.
Dunyoning eng kuchli hujumchisi kim?
Dunyoning eng yaxshi futbolchisi bu Messi.
Siz uni 9-raqamdagi futbolchilar orasida eng kuchlisi deb hisoblaysizmi?
Messi 9-,10-,11-,6-,4 raqamlardagi futbolchilar ichida eng kuchlisi. Agar boshqa raqamlar borasida so‘z ketsa, Aguero dunyoning eng yaxshilaridan biri.
O‘yinga tanlangan sxema qay darajada muhim?
Futbolda sen tanlagan sxemanining ahamiyati yo‘q, muhimi qanday futbolchilar bilan harakatlanoyotganing. Birinchi kundan boshlab kim bilan harakatlanayotganing muhim. Ayni damda bizda bir nechta sifatli futbolchilar mavjud. Biz esa, ularga o‘zlari uchun qulay pozisiyada harakat qilishlari uchun imkon yaratib berishga harakat qilyapmiz. Sen bir yoki ikkita hujumchi bilan harakatlanayotganing hech qanday ahamiyat kasb etmaydi. Xatto hujumchisiz ham ajoyib o‘yin ko‘rsatish mumkin. O‘tgan uchrashuvda hujumchisiz harakat qilsakda, uchta gol kiritishga muvaffaq bo‘ldik. «Aston Villa» darvozasiga esa oltita gol kiritdik. Bunday farqning sababi hujumchilarda emas, balki futbolchilarning maydonda qanday harakat qilishi bilan bog‘liq.
Shu o‘rinda futbolchilarning sifatida ham juda muhim ekanligini tan olish lozim. Masalan, Bernardo Silvaning «Old Trafford»da nimalar qilganini eslang. Qo‘limizda bor imkoniyatlarning barchasidan unumli foydalanishimiz kerak. Futbolchilar uchun to‘g‘ri joy tanlashimiz lozim. «Aston Villa» bilan o‘yinda o‘tgan uchrashuvda maydonga tushmagan yigitlar harakat qilishdi. Ularning o‘yinga chanqoq ekanligini darrov sezgan bo‘lsangiz, ajab emas. Biz APL poygasida 2-o‘ringa ko‘tarilib oldik. Bu YECHLda ishtirok etish imkonini beradi. Shunday ekan, endi tunlari bemalol uyuqaga yotishim mumkin.
