Germaniyaning «Bayer» klubi futbolchisi Kay Xavers «Liverpul» klubiga rekord summaga ko‘chib o‘tishi mumkin.
El Mundo Deportivo nashrining tarqatgan ma’lumotiga qaraganda, Yurgen Klopp 20 yoshli hamyurti uchun 125 million yevro to‘lashga tayyor.
Avvalroq, futbolchiga «Bavariya», «Barselona» va «Manchester Yunayted» klublari qiziqish bildirayotgani, «Bayer» Xavers uchun 90 million yevro talab qilayotgani haqida xabarlar tarqatilgandi.
Agar ushbu transfer amalga oshadigan bo‘lsa, u holda bu ikki klub uchun ham rekord summa sanaladi. «Liverpul» klubi tarixidagi eng qimmat futbolchis Virdjil van Deykhisoblanib, u 2017 yili «Sautgempton» klubidan 85 million yevroga sotib olingan. «Bayer» klubining eng qimmat sotilgan futbolchisi Son Xin-Min hisoblanib, u 2015 yili «Tottenxem» klubiga 30 million yevroga sotilgan.
