Германиянинг «Байер» клуби футболчиси Кай Хаверц «Ливерпуль» клубига рекорд суммага кўчиб ўтиши мумкин.
El Mundo Deportivo нашрининг тарқатган маълумотига қараганда, Юрген Клопп 20 ёшли ҳамюрти учун 125 миллион евро тўлашга тайёр.
Аввалроқ, футболчига «Бавария», «Барселона» ва «Манчестер Юнайтед» клублари қизиқиш билдираётгани, «Байер» Хаверц учун 90 миллион евро талаб қилаётгани ҳақида хабарлар тарқатилганди.
Агар ушбу трансфер амалга ошадиган бўлса, у ҳолда бу икки клуб учун ҳам рекорд сумма саналади. «Ливерпуль» клуби тарихидаги энг қиммат футболчис Вирджил ван Дейкҳисобланиб, у 2017 йили «Саутгемптон» клубидан 85 миллион еврога сотиб олинган. «Байер» клубининг энг қиммат сотилган футболчиси Сон Хын-Мин ҳисобланиб, у 2015 йили «Тоттенхэм» клубига 30 миллион еврога сотилган.
