«Ливерпуль»нинг марказий ярим ҳимоячилари Алексис Мак Аллистер ва Кёртис Жонс ёзги трансфер ойнасида жамоани тарк этишлари мумкин. Бу ҳақда журналист Алан Никсон маълум қилмоқда.
Манбанинг хабарига кўра, «Ливерпуль» «Кристал Пэлас» хавбеки Адам Уортон трансферини молиялаштириш учун ушбу икки футболчисини сотиб юбормоқчи. 22 ёшли футболчи мерсисайдликларнинг янги бош мураббийи Андони Ираоланинг асосий мақсадига айланган. Қайд этилишича, клуб шу ёзда майдон марказида жиддий қайта қуришни амалга оширишни режалаштирмоқда.
Ҳозирги вақтда Мак Аллистернинг хизматларига Испаниянинг иккита топ-клуби — «Атлетико» ва «Реал» қизиқиш билдирмоқда. Жонсга келсак, у Миланнинг «Интер» клубига ўтишга яқин турибди.
