«Liverpul»ning markaziy yarim himoyachilari Aleksis Mak Allister va Kyortis Jons yozgi transfer oynasida jamoani tark etishlari mumkin. Bu haqda jurnalist Alan Nikson ma’lum qilmoqda.
Manbaning xabariga ko‘ra, «Liverpul» «Kristal Pelas» xavbeki Adam Uorton transferini moliyalashtirish uchun ushbu ikki futbolchisini sotib yubormoqchi. 22 yoshli futbolchi mersisaydliklarning yangi bosh murabbiyi Andoni Iraolaning asosiy maqsadiga aylangan. Qayd etilishicha, klub shu yozda maydon markazida jiddiy qayta qurishni amalga oshirishni rejalashtirmoqda.
Hozirgi vaqtda Mak Allisterning xizmatlariga Ispaniyaning ikkita top-klubi — «Atletiko» va «Real» qiziqish bildirmoqda. Jonsga kelsak, u Milanning «Inter» klubiga o‘tishga yaqin turibdi.
