Fransiyaning «Nissa» klubi bosh murabbiyi Patrik Viyeyra “Arsenal” klubini Unai Emeri tark etganidan keyin, klub rahbarlari unga aloqaga chiqqanligi haqida mish-mishlarga oydinlik kiritdi.
«Men bilan «Arsenal» klubi rahbarlari jamoani Arsen Venger tark etganidan keyin bog‘lanishgandi. Emerining iste’fosidan keyin hech kim men bilan aloqaga chiqmadi. To‘g‘risini aytganda, Londonga ko‘chib o‘tishni o‘ylamadim ham, hozir menda umuman boshqa vazifa bor.
Bor bilim va kuchimni ishga solib, «Nissa» klubini rivojlantirish uchun harakat qilyapman. Jamoaning loyihasi meni to‘la qoniqtirmoqda. Ishonaman, barcha o‘ylagan rejalarimni amalga oshira olaman. Matbuotdagi turli xil xabarlardan xavotirda emasman. Jamoadagi insonlar meni boshqa klubga ketib qolmasligimni yaxshi bilishadi», — dedi Patrik Viyeyra.
