Франциянинг «Ницца» клуби бош мураббийи Патрик Виейра “Арсенал” клубини Унаи Эмери тарк этганидан кейин, клуб раҳбарлари унга алоқага чиққанлиги ҳақида миш-мишларга ойдинлик киритди.
«Мен билан «Арсенал» клуби раҳбарлари жамоани Арсен Венгер тарк этганидан кейин боғланишганди. Эмерининг истеъфосидан кейин ҳеч ким мен билан алоқага чиқмади. Тўғрисини айтганда, Лондонга кўчиб ўтишни ўйламадим ҳам, ҳозир менда умуман бошқа вазифа бор.
Бор билим ва кучимни ишга солиб, «Ницца» клубини ривожлантириш учун ҳаракат қиляпман. Жамоанинг лойиҳаси мени тўла қониқтирмоқда. Ишонаман, барча ўйлаган режаларимни амалга ошира оламан. Матбуотдаги турли хил хабарлардан хавотирда эмасман. Жамоадаги инсонлар мени бошқа клубга кетиб қолмаслигимни яхши билишади», — деди Патрик Виейра.
