Tailandda 23 yoshgacha futbolchilar o‘rtasida Osiyo chempionati o‘tkazilmoqda. Musobaqada ishtirok etayotgan O‘zbekiston olimpiya terma jamoasi chorak finalda BAA bilan kuch sinashadi.

Mazkur uchrashuv oldidan har ikki jamoa bosh murabbiylari o‘rtasida matbuot anjumani o‘tkazildi. Unda raqib jamoa ustozi Skorza quyidagi fikrlarni bildirdi:

– Biz uchun O‘zbekistonga qarshi o‘yin bu top darajadagi bahs. Raqibimiz kuchini bilamiz. Lekin biz tayyormiz. Yaxshi ketyapti tayyorgarlik. O‘zbekiston bizdan bir kun ko‘p dam olish imkoniyatiga ega bo‘ldi. O‘zbekiston favorit. 

Bizda ham tarkibda katta turnirlar tajribasiga ega o‘yinchilar bor. Ularning foydasi katta. Ertangi o‘yin masalasini bitta gol hal qilish mumkin. Omadga ham ko‘p narsa bog‘liq. 

Mening fikrimcha bu chempionatda jamoalar darajasi bir biriga yaqin. Guruhning o‘zida kuchli o‘yinlar bo‘ldi. Yaponiya chiqib ketdi masalan. Yoki Qatar bo‘sh o‘ynadi. O‘zbekistonga qarshi o‘ynashimiz mumkinligini taxmin qilish mumkin edi. Koreyani ham kuzatdik. Bu guruhda shu ikki jamoa chiqishini oldindan bashorat qilgandim.