Yigitlar, sizlarga tasanno, qoyil! Nafaqat hisob, balki o‘yin ham zo‘r bo‘ldi. Yashang!
 
O‘z o‘yiningizni o‘ynadingiz, istaganingizning ko‘pi amalga oshdi, imkoniyatingizni namoyish etdingiz, erkin, uchib-qo‘nib o‘ynadingiz. Mazza, a?

Endi asosiysi qoldi. Saudiya Arabistonini yengish oson emas (yo‘llanmaga ega chiqish uchun esa oson), lekin uddalasa bo‘ladigan vazifa. Ana shuni uddalash lozim. Saudlar BAAdan ozgina kuchliroq ko‘rinyapti, ammo, ishonamanki, siz va Drulovich g‘alaba qozonish reseptini topa olasizlar.

Narigi juftlik finalga mos juftlik – Janubiy Koreya - Avstraliya. Turnirdagi, ehtimol, eng kuchli jamoalar. Ana endi ayting-chi, saudlarni yutish osonmi yo ularni?

Saudiyani mag‘lub etsak yo‘llanma naqd. Finalda esa istalgan natija sizni malomatga qoldirmaydi. Yarim finalda mag‘lub bo‘lsangiz, to‘g‘ri, yana bir imkoniyat qoladi, biroq yo koreys, yo avstraliyaliklarga qarshi o‘ynaysiz. Tanlang, qay biri oson?!

Albatta, Saudiyani yengish osonroq. Ana shu osonini tanlang, yigitlar. Eng zo‘r yo‘li shu. Taqdir in’omi. Yo yarim finalni yutib, yo‘llanmani olasiz, yo mag‘lub bo‘lib, uchinchi o‘rin uchun o‘yindayam kurashasiz, aniq emas yo‘llanma bu holda.

Demak, saudlarni yengamiz. Kelishdik-a?

Nima bo‘lgandayam, biling, siz men uchun, yaqinlaringiz uchun qahramonsiz!

Bobur Akmalov.