«Barselona» bosh murabbiyi Enrike Setyen «Granada»ga qarshi bo‘lib o‘tgan o‘yin borasida o‘z fikrlarini bildirib o‘tdi.

«Ajoyib o‘yin bo‘ldi. Birinchi bo‘limda bizga ishonch yetishmagan bo‘lishi mumkin. Raqibga o‘z darvozamiz tomon atigi 2ta imkoniyat berdik. Ko‘p narsalarni yaxshi bajardik. Bosqichma-bosqich yaxshi harakatlana boshlaymiz va raqib darvozasi yaqinida yaxshiroq o‘ynaymiz, degan umiddaman. Messi butun umr qilib yurgan ishini qildi. Ajoyib uzatma tufayli u o‘yin taqdirini o‘zgartira oldi», - dedi Setyen.

«Barselona» La liganing navbatdagi turini safarda «Valensiya»ga qarshi o‘tkazadi. Bu bahs 25 yanvar kuni bo‘lib o‘tadi. Ungacha esa kataloniyaliklar Ispaniya kubogi doirasida "Ibisa"ni sinovdan o‘tkazishadi.