«Барселона» бош мураббийи Энрике Сетьен «Гранада»га қарши бўлиб ўтган ўйин борасида ўз фикрларини билдириб ўтди.
«Ажойиб ўйин бўлди. Биринчи бўлимда бизга ишонч етишмаган бўлиши мумкин. Рақибга ўз дарвозамиз томон атиги 2та имконият бердик. Кўп нарсаларни яхши бажардик. Босқичма-босқич яхши ҳаракатлана бошлаймиз ва рақиб дарвозаси яқинида яхшироқ ўйнаймиз, деган умиддаман. Месси бутун умр қилиб юрган ишини қилди. Ажойиб узатма туфайли у ўйин тақдирини ўзгартира олди», - деди Сетьен.
«Барселона» Ла лиганинг навбатдаги турини сафарда «Валенсия»га қарши ўтказади. Бу баҳс 25 январь куни бўлиб ўтади. Унгача эса каталонияликлар Испания кубоги доирасида "Ибица"ни синовдан ўтказишади.