Bugun O‘zbekiston olipiya terma jamoasi uchun juda muhim o‘rin kuni.  Osiyo chempionatida 3-o‘rin uchun o‘yin Tokio Olimpiadasiga qit’amizdan oxirgi yo‘llanmani taqdim etadi.

"Milliy olimpiya qo‘mitasining tashabbusi bilan bir guruh futbol fanatlari charter reys orqali Tailandga uchib ketyapmiz. Maqsadimiz bitta - Tokio olimpiadasi yo‘lida bo‘ladigan hayot-mamot uchrashuvida O‘zbekiston U23 terma jamoasini stadiondan turib qo‘llab-quvvatlash va ularga dalda bo‘lish.

Avvalo barchasi Allohdan. Yigitlarimizga O‘zi kuch-quvvat berib, yuzlarini yorug‘ qilishiga tilakdoshmiz. Biz esa ovozimiz boricha
O‘Z-BE-KIS-TON
deya stadionni boshimizga ko‘tarishga va’da beramiz. Zora bu ovozlar yigitlarimizning kuchiga kuch qo‘shib, o‘ziga bo‘lgan ishonchini yanada oshirsa va g‘alaba tomon yetaklasa.

Demak, bugun soat 17:30 da Avstraliyaga qarshi bahsni ko‘rishni unutmaysiz, degan umiddaman.

Olg‘a, O‘zbekiston!", — deya xabar tarqatdi Xushnudbek Xudoyberdiyev o‘zining telegramdagi kanali orqali.