Fransiyaning «Marsel» klubi bosh murabbiyi Andre Villash-Boash qishki transfer bozorida qo‘l ostidagi muhim futbolchilarni yo‘qotib qo‘yishdan xavotirdi.
— Transfer oynasini yopilishini kuta olmayman. Mish-mishlar juda ko‘payib ketdi, agentlar faollashib qoldi, katta pullar va’da qilinmoqda. Bularning barchasini tezroq tugashini xohlayman. Sentyabr oyi boshida Luis Gustavoni qanday yo‘qotganimizni hali unutmadim. Hatto transfer bozori yopilgan taqdirda ham, futbolchilarni yo‘qotish xavfi yuqori, chunki, rus, turklar va xitoyliklar futbolchilarni o‘zlariga og‘dirib olishmoqda. Men allaqachon hech narsa kutmayman, shunchaki kutilmagan yoqimsiz hodisalardan saqlanishni xohlayman, — dedi murabbiy Footmercato bilan suhbatda.