«Fiorentina» darvozaboni David de Xea «Yuventus» klubining qiziqishlar doirasiga tushdi.

Tuttosport nashrining xabariga ko‘ra, Turin klubi uchun darvoza chizig‘ida asosiy transfer nishoni «Liverpul» posboni Alisson bo‘lib turgan edi. Biroq braziliyalik posbon yiliga 8 million yevro maosh talab qilmoqda — «Yuventus» esa bu talabni bajarish imkoniyatiga ega emas.

Shu sababli «keksa sinyora» muqobil variant sifatida De Xea nomzodiga to‘xtalgan. «Fiorentina» ispaniyalik darvozabonni taxminan 10 million yevro evaziga sotishga tayyor. De Xeaning yillik maoshi 3,5 million yevroni tashkil qiladi va bu ko‘rsatkich turinliklarning moliyaviy imkoniyatlariga to‘liq mos keladi.