«Фиорентина» дарвозабони Давид де Хеа «Ювентус» клубининг қизиқишлар доирасига тушди.
Tuttosport нашрининг хабарига кўра, Турин клуби учун дарвоза чизиғида асосий трансфер нишони «Ливерпуль» посбони Алиссон бўлиб турган эди. Бироқ бразилиялик посбон йилига 8 миллион евро маош талаб қилмоқда — «Ювентус» эса бу талабни бажариш имкониятига эга эмас.
Шу сабабли «кекса синьора» муқобил вариант сифатида Де Хеа номзодига тўхталган. «Фиорентина» испаниялик дарвозабонни тахминан 10 миллион евро эвазига сотишга тайёр. Де Хеанинг йиллик маоши 3,5 миллион еврони ташкил қилади ва бу кўрсаткич туринликларнинг молиявий имкониятларига тўлиқ мос келади.
