Yangi mavsumga taraddud ko‘rayotgan jamoamiz tayyorgarlik bosqichining uchinchi qismini 27 yanvardan e’tiboran BAAning Dubay shahrida davom ettiradi.
Mazkur yig‘in oldidan klub jamoamizning ko‘plab futbolchilari bilan yangi mavsum uchun shartnomani uzaytirdi.
2020 yilgi mavsumda jamoamiz sharafini himoya qiladigan futbolchilarimiz: Suhrob Sultonov, Roman Abdulov, Akmal Shorahmedov, Mirg‘iyoz Sulaymonov, Bobur Yo‘ldoshev, Igor Zonich, Sardor Rahmonov, Saydullo Rahmatov, Dilshod Jo‘rayev, Mirjamol Qosimov, Erkin Baydullayev, Jasur Umarov, Murod Toshmatov, Elguja Grigalashvili, Zafar Polvonov, Shahzod Nurmatov bilan shartnoma uzaytirildi.
Shuningdek, jamoamiz yangi mavsum oldidan serbiyalik yarim himoyachi Yovan Jokich va turkmanistonlik vinger Arslonmirat Amanovni ortga qaytardi. Hujum chizig‘ini kuchaytirish maqsadida gruziyalik hujumchi Mate Vatsadze bilan shartnoma imzolandi. Shuningdek, o‘zbekistonlik tajribali futbolchi Sanjar Tursunov hamda "Paxtakor" yoshlar jamoasi safidagi o‘yinlari orqali o‘z iste’dodini namoyon qilgan Xojimat Erkinov tarkibga qo‘shildi.
Yoshlar jamoasidan Farhod Imamov, Nizomiddin Ziyovutdinov hamda Sheroz Jalolov jalb etilgan.
