Янги мавсумга тараддуд кўраётган жамоамиз тайёргарлик босқичининг учинчи қисмини 27 январдан эътиборан БААнинг Дубай шаҳрида давом эттиради.
Мазкур йиғин олдидан клуб жамоамизнинг кўплаб футболчилари билан янги мавсум учун шартномани узайтирди.
2020 йилги мавсумда жамоамиз шарафини ҳимоя қиладиган футболчиларимиз: Суҳроб Султонов, Роман Абдулов, Акмал Шораҳмедов, Мирғиёз Сулаймонов, Бобур Йўлдошев, Игорь Зонич, Сардор Раҳмонов, Сайдулло Раҳматов, Дилшод Жўраев, Миржамол Қосимов, Эркин Байдуллаев, Жасур Умаров, Мурод Тошматов, Элгужа Григалашвили, Зафар Полвонов, Шаҳзод Нурматов билан шартнома узайтирилди.
Шунингдек, жамоамиз янги мавсум олдидан сербиялик ярим ҳимоячи Йован Жокич ва туркманистонлик вингер Арслонмират Амановни ортга қайтарди. Ҳужум чизиғини кучайтириш мақсадида грузиялик ҳужумчи Мате Ватсадзе билан шартнома имзоланди. Шунингдек, ўзбекистонлик тажрибали футболчи Санжар Турсунов ҳамда "Пахтакор" ёшлар жамоаси сафидаги ўйинлари орқали ўз истеъдодини намоён қилган Хожимат Эркинов таркибга қўшилди.
Ёшлар жамоасидан Фарҳод Имамов, Низомиддин Зиёвутдинов ҳамда Шероз Жалолов жалб этилган.
