«PSJ» hujumchisi Edinson Kavani «Atletiko»ga o‘tishga yaqin turibdi.

32 yoshli futbolchining agenti transferni oxiriga yetkazish uchun Madridga tashrif buyurdi. Manbaga ko‘ra, Kavanining transferi bugun e’lon qilinishi mumkin.

Edinson «Atletiko» bilan 2,5 yillik shartnoma imzolaydi va unda kelishuvni yana bir yilga uzaytirish imkoniyati ham ko‘zda tutiladi.

Kavani hozircha tibbiy ko‘rikdan o‘tmadi. Futbolchiga yaqin insonlarning ta’kidlashicha, Kavani bu borada muammoga duch kelmaydi.

«Atletiko» tomonidan parijliklarga berilgan so‘nggi taklif 15 million yevroga teng bo‘ldi. Mavsum so‘ngida futbolchining "PSJ" bilan shartnomasi yakuniga yetadi.