Angliyaning «Manchester Siti» klubi yarim himoyachisi Ilkay Gyundogan Londonning “Chelsi” klubi yarim himoyachisi Ngolo Kante haqida iliq fikrlar bildirdi.
«To‘pni nazorat qiladigan yarim himoyachilar Kantedek futbolchilarga qarshi o‘ynashda qiyinchilikka duch keladi. Qaysidir vaziyatda raqib ortingizda qolgandek tuyulishi mumkin, lekin qayerdandir paydo bo‘lib to‘pni olib qo‘yadi.
Angliya Premyer-ligasidashu jihatdan o‘ynash juda qiyin, chunki, bu yerda dunyoning eng yaxshi futbolchilari jamlanishgan. Meni Angliya chempionatiga jalb qiladigan narsa shu. Men kuchli futbolchilar bilan raqobat qilishni yaxshi ko‘raman. Kante tayanch yarim himoyada dunyoning eng yaxshi futbolchisi sanaladi», — dedi Ilkay Gyundogan.