Angliya liga kubogining dastlabki finalchisi aniq bo‘ldi. «Aston Villa» yarim finalning javob uchrashuvi doirasida o‘z maydonida «Lester»ni qabul qildi.

Mezbonlar 12-daqiqada Targettning goli evaziga hisobni ochgan bo‘lsa, bas tugashiga 18 daqiqa qolganida Ixeanacho hisobni tenglashtirdi.

Ikkinchi bo‘limga qo‘shib berilgan daqiqalarda esa Mahmud Trezege "Aston Villa"ga g‘alaba keltiruvchi gol muallifiga aylandi. Yarim finalning dastlabki o‘yinida 1:1 hisobi qayd etilgandi. Shu bois, "Aston Villa" final yo‘llanmasini qo‘lga kiritdi.

Yarim finalning ikkinchi o‘yini «Manchester Siti» va «Manchester Yunayted» jamoalari o‘rtasida bo‘lib o‘tadi. "Shaharliklar" dastlabki o‘yinda 3:1 hisobida g‘alaba qozonishgan edi.

Angliya liga kubogi, 1/2 final, javob o‘yini
Aston Villa – Lester 2:1 (1:0, 1:1)
Gollar: 1:0 – 12 Targett, 1:1 – 72 Ixeanacho, 2:1 – 90+3 Trezege.
Aston Villa – Nyuland, Targett, Konsa, Mingz, Gilber (Al-Muxammadi, 84), Grilish, Duglas Luis, El-G‘oziy (Trezege, 77), Nakamba, Xoz, Samatta (Devis, 67).
Lester – Shmeyxel, Seyundjyu, Evans, Rikardu Pereyra, Chiluell, Tilemans, Barns (Grey, 86), Meddison, Ndidi, Peres (Vardi, 56), Ixeanacho.
Ogohlantirishlar: Konsa (57), Duglas Luis (60), Seyundjyu (76).
Birinchi uchrashuv – 1:1.