Англия лига кубогининг дастлабки финалчиси аниқ бўлди. «Астон Вилла» ярим финалнинг жавоб учрашуви доирасида ўз майдонида «Лестер»ни қабул қилди.

Мезбонлар 12-дақиқада Таргеттнинг голи эвазига ҳисобни очган бўлса, бас тугашига 18 дақиқа қолганида Ихеаначо ҳисобни тенглаштирди.

Иккинчи бўлимга қўшиб берилган дақиқаларда эса Маҳмуд Трезеге "Астон Вилла"га ғалаба келтирувчи гол муаллифига айланди. Ярим финалнинг дастлабки ўйинида 1:1 ҳисоби қайд этилганди. Шу боис, "Астон Вилла" финал йўлланмасини қўлга киритди.

Ярим финалнинг иккинчи ўйини «Манчестер Сити» ва «Манчестер Юнайтед» жамоалари ўртасида бўлиб ўтади. "Шаҳарликлар" дастлабки ўйинда 3:1 ҳисобида ғалаба қозонишган эди.

Англия лига кубоги, 1/2 финал, жавоб ўйини
Астон Вилла – Лестер 2:1 (1:0, 1:1)
Голлар: 1:0 – 12 Таргетт, 1:1 – 72 Ихеаначо, 2:1 – 90+3 Трезеге.
Астон Вилла – Нюланд, Таргетт, Конса, Мингз, Гильбер (Аль-Мухаммади, 84), Грилиш, Дуглас Луис, Эл-Ғозий (Трезеге, 77), Накамба, Хоз, Саматта (Дэвис, 67).
Лестер – Шмейхель, Сеюнджю, Эванс, Рикарду Перейра, Чилуэлл, Тилеманс, Барнс (Грэй, 86), Мэддисон, Ндиди, Перес (Варди, 56), Ихеаначо.
Огоҳлантиришлар: Конса (57), Дуглас Луис (60), Сеюнджю (76).
Биринчи учрашув – 1:1.