Angliyaning “Manchester Siti” klubi jamoaning braziliyalik yarim himoyachisi Fernandinyo bilan shartnomani 2021 yilga qadar uzaytirdi.
«Bu yangilik men uchun hammasidan eng yaxshisi bo‘ldi. Menga berilgan imkoniyatdan samarali foydalanish niyatidaman. Menga ishonch bildirgani uchun rahbariyatga minnatdorchilik bildirish uchun so‘z ojizlik qiladi. Agar jamoadoshlarim bo‘lmaganida bu hodisa hozir ro‘y bermagan bo‘lardi.
Klubdagi o‘tkazgan har bir soniyam menga quvonch olib kelgan. Klub va muxlislar bilan bunday ajoyib munosabat o‘rnata olaman deb o‘ylamagandim. Men «Ettixad»da mana shu insonlarning ko‘z o‘ngida yana bir yil o‘ynashimdan faxrlanaman», — dedi Fernandinyo.
