Daniyalik yarim himoyachisi Kristian Eriksen Italiyaning “Inter” jamoasiga o‘tganidan xursand ekanligini yashirmadi.
«To‘g‘risini aytganda, «qora-ko‘klar» safiga o‘tishni uzoq kutdim. Bu yerda ekanligimdan xursandman. Buyuk klubning bir qismiga aylanganimdan baxtiyorman va bu men uchun hayajonli lahzalar. Meni Italiyada fantastik darajada kutib olishdi.
Men statistikaga qiziqadigan odamlardan emasman. Lekin, raqamlarga e’tibor qaratadigan bo‘lsak, men Angliyada yomon harakat qilmadim. Biroq, men uchun yangi davr boshlandi. Italiyaning mana shunday ajoyib klubida o‘ynashimdan baxtliman.
Konteni «Chelsi»ni boshqarayotgan paytidan yaxshi bilaman. Uning “Chelsi”si bilan kurashish doim qiziqarli kechgan. Bu murabbiy bilan imkon qadar tezroq tanishishni xohlayman», — dedi Eriksen.