Даниялик ярим ҳимоячиси Кристиан Эриксен Италиянинг “Интер” жамоасига ўтганидан хурсанд эканлигини яширмади.
«Тўғрисини айтганда, «қора-кўклар» сафига ўтишни узоқ кутдим. Бу ерда эканлигимдан хурсандман. Буюк клубнинг бир қисмига айланганимдан бахтиёрман ва бу мен учун ҳаяжонли лаҳзалар. Мени Италияда фантастик даражада кутиб олишди.
Мен статистикага қизиқадиган одамлардан эмасман. Лекин, рақамларга эътибор қаратадиган бўлсак, мен Англияда ёмон ҳаракат қилмадим. Бироқ, мен учун янги давр бошланди. Италиянинг мана шундай ажойиб клубида ўйнашимдан бахтлиман.
Контени «Челси»ни бошқараётган пайтидан яхши биламан. Унинг “Челси”си билан курашиш доим қизиқарли кечган. Бу мураббий билан имкон қадар тезроқ танишишни хоҳлайман», — деди Эриксен.