Ispaniya kubogining chorak final bosqichi doirasida dastlabki o‘yin bo‘lib o‘tdi va unda kutilmagan natija qayd etildi. Musobaqaning amaldagi g‘olibi — «Valensiya» klubi «Granada» maydoniga safar uyushtirib, imkoniyatni boy berdi.

Uchrashuvning 3-daqiqasida Soldado mehmonlar darvozasini ishg‘ol qilib, hisobni ochdi. Birinchi bo‘lim tugashiga 5 daqiqa qolganida Rodrigo hisobni tenglashtirdi.

O‘yin qo‘shimcha bo‘limlarga ko‘chadigandek edi, qo‘shib berilgan daqiqalarda "Valensiya" darvozasiga penalti belgilandi. Yana o‘sha 34 yoshli Roberto Soldado 11 metrli jarima zarbasidan foydalanib, "Granada"ga g‘alaba keltirdi.

Shu tariqa, "Granada" Ispaniya kubogining dastlabki yarim finalchisiga aylandi.

Ispaniya kubogi, chorak final
Granada – Valensiya 2:1 (1:1, 1:0)
Gollar: 1:0 – 3 Soldado, 1:1 – 40 Rodrigo, 2:1 – 90+4, penalti Soldado.
Granada – Eskandel, Valyexo, Xerman Sanches, Neva, FulkYE, Puertas, Vadilyo (Dias, 46), Errera, Gonalon (Eteki, 86), Soldado, Fernandes (Machis, 69).
Valensiya – Domenek, Gabriel Paulista, Kosta, Diakabi (Sobrino, 90), Vass, Ferran Torres (Gedesh, 68), Soler, Parexo, Koklen, Rodrigo (Florensi, 87), Maksi Gomes.
Ogohlantirishlar: Gonalon (43), Soldado (53).