Испания кубогининг чорак финал босқичи доирасида дастлабки ўйин бўлиб ўтди ва унда кутилмаган натижа қайд этилди. Мусобақанинг амалдаги ғолиби — «Валенсия» клуби «Гранада» майдонига сафар уюштириб, имкониятни бой берди.

Учрашувнинг 3-дақиқасида Сольдадо меҳмонлар дарвозасини ишғол қилиб, ҳисобни очди. Биринчи бўлим тугашига 5 дақиқа қолганида Родриго ҳисобни тенглаштирди.

Ўйин қўшимча бўлимларга кўчадигандек эди, қўшиб берилган дақиқаларда "Валенсия" дарвозасига пенальти белгиланди. Яна ўша 34 ёшли Роберто Сольдадо 11 метрли жарима зарбасидан фойдаланиб, "Гранада"га ғалаба келтирди.

Шу тариқа, "Гранада" Испания кубогининг дастлабки ярим финалчисига айланди.

Испания кубоги, чорак финал
Гранада – Валенсия 2:1 (1:1, 1:0)
Голлар: 1:0 – 3 Сольдадо, 1:1 – 40 Родриго, 2:1 – 90+4, пенальти Сольдадо.
Гранада – Эскандель, Вальехо, Херман Санчес, Нева, Фулькье, Пуэртас, Вадильо (Диас, 46), Эррера, Гоналон (Этеки, 86), Сольдадо, Фернандес (Мачис, 69).
Валенсия – Доменек, Габриэл Паулиста, Коста, Диакаби (Собрино, 90), Васс, Ферран Торрес (Гедеш, 68), Солер, Парехо, Коклен, Родриго (Флоренци, 87), Макси Гомес.
Огоҳлантиришлар: Гоналон (43), Сольдадо (53).