Turinning «Yuventus» klubi hujumchisi Krishtianu Ronaldu bolaligida bunday natijalarga erishishni xayoliga ham keltirmaganini tan oldi.
— Bolaligimda 35 yoshga kirganimda Madeyrada baliq ovlayman deb o‘ylardim. Men bunday klublarda o‘ynayman va bunday sovrinlarni qo‘lga kiritaman deb o‘ylamagandim.
— Kelajagim haqida gapiradigan bo‘lsam, oltinchi marotaba YECHLda g‘olib chiqishim mumkin. «Yuventus» tarkibida ushbu g‘alabaga erishish uchun imkoniyat bor. To‘g‘ri, bu qiyin bo‘lishi mumkin, ammo bizda kuchli jamoa bor. Maqsadimiz sari bosqichma bosqich harakat qilyapmiz, — dedi Ronaldu A Bola bilan suhbatda.
