Ispaniya kubogining chorak final bosqichi doirasida «Real Madrid», kutilmaganda, «Real Sosyedad»ga imkoniyatni boy berib, musobaqani tark etdi.

Zidan bugungi o‘yinga biroz kuchsizlangan tarkibni tushirdi. Ayniqsa, Kurtuaning o‘rni juda bilindi. Uchrashuvga yaxshi tayyorgarlik ko‘rgan basklar "Real" darvozasini naq 3 marta ishg‘ol qilishdi.

Zidan ikkinchi bo‘limda tarkibni kuchaytirib, o‘yinni qutqarib qolishga urindi. Jamoa bunga juda va juda yaqin keldi. Ammo madridliklarga ozgina vaqt yetmay qoldi. 90+8-daqiqada hakam hushtagini chaldi va hisob — 3:4.

Ispaniya kubogi, chorak final
Real Madrid – Real Sosyedad 3:4 (0:1)
Gollar: 0:1 – 22 Edegor, 0:2 – 54 Isak, 0:3 – 56 Isak, 1:3 – 59 Marselo, 1:4 – 69 Merino, 2:4 – 81 Rodrigo, 3:4 – 90+3 Nacho.
Real Madrid – Areolya, Nacho, Militao, Ramos, Marselo, Valverde (Yovich, 76), Kroos, Vinisius Junior, Xames (Modrich, 46), Braim Dias (Rodrigo, 76), Benzema.
Real Sosyedad – Remiro, Gorosabel, Monreal, Elustondo, Le Norman, Edegor (Gevara, 64), Subeldiya, Yanuzay (Barrenechea, 46), Merino, Oyarsabal, Isak (Munyos, 70).
Ogohlantirishlar: Edegor (11), Le Norman (19), Subeldiya (66), Militao (77), Gorosabel (86), Vinisius Junior (90).
Chetlatish: Gorosabel (90+5).