Xabaringiz bor, 2018 yilning mart oyidan buyon O‘zbekiston o‘smirlar terma jamoasi bosh murabbiyi sifatida ishlab kelgan Azamat Abduraimov o‘z arizasiga binoan iste’foga chiqqan edi.
O‘zbekiston U-16 terma jamoasiga endilikda ushbu yosh toifasidagi futbolchilar bilan ishlashda katta tajribaga ega bo‘lgan Olim Shokirov ustozlik qiladi.
Kecha O‘FA Murabbiylar kengashining yig‘ilishi bo‘lib o‘tdi va unda O‘zbekiston U-16 terma jamoasi bosh murabbiyi bo‘lishga nomzodlar ko‘rib chiqildi. Murabbiylar kengashining tavsiyasi inobatga olingan holda Olim Shokirov endilikda O‘zbekiston U-16 terma jamoasida bosh murabbiy sifatida ish olib boradi. Shu paytga qadar O‘zbekiston U-16 terma jamoasi murabbiylar shtabida ishlab kelgan mutaxassislar ham faoliyatini davom ettiradi – Sergey Arslanov (katta murabbiy), Timur G‘aniyev (darvozabonlar murabbiyi) hamda Jamshid Umarov (jismoniy tayyorgarlik bo‘yicha murabbiy).
Shuningdek, O‘zbekiston o‘smirlar terma jamoasi murabbiylar shtabida tajribali mutaxassislar – Islom Ahmedov va Dilshod Nuraliyev maslahatchi murabbiy sifatida o‘z tavsiyalarini berib borishadi.
