Angliya Premyer-ligasi klublari hakamlar bilan VAR haqida bahslashishni davom ettirmoqdalar.  Murabbiylar hakamlar bo‘limi boshlig‘i Mayk Riley bilan muntazam ravishda uchrashishyapti va maslahatlashishyapti.

Yaqinda bo‘lib o‘tgan yig‘ilishda yangi da’volar paydo bo‘ldi: hakamlar ko‘pincha o‘zlarining aniq bo‘lmagan ofsaydlari tufayli gollarni bekor qilishadi. Klublar bunday epizodlarda hakamlardan hujumkor jamoaga sodiqlikni talab qiladilar, chunki bir necha santimetr tufayli gol bekor qilingani muxlislarni g‘azablantiradi.

Rayli ularni tingladi va yechimni taklif qildi.

• Ofsayd chizig‘i kengligini 10 santimetrgacha oshirish. Bu holda ushbu mavsumda bekor qilingan 19 ta goldan 9tasi hisobga olinardi.

• Qanday qilib: himoyachi joylashgan chiziq kengroq bo‘ladi. Ammo hujum qilayotgan tomonning pozisiyasini o‘lchash uchun ishlatiladigan chiziq avvalgidek qoladi. Biroq bu juda oddiy deya baholanyapti.

• Klublar chiziqni kengaytirishning uch xil variantini taklif qilishdi: 10, 15 va 20 santimetr. Ofsayd chizig‘i 20 santimetr bo‘lganida bekor qilingan 19 ta goldan 11 tasi inobatga olinardi. Bu chiziq 10 santimetrga teng bo‘lgandagi holatdan atigi 2 ta golga ko‘p.

• Hakamlar departametni bu takliflarni sinashga rozi, ammo buning uchun o‘yin qoidalarini tartibga soluvchi Xalqaro Futbol Uyushmalari Kengashining (IFAB) roziligi talab qilinadi. IFAB bilan uchrashuv 29 fevral kuni bo‘lib o‘tadi.

Agar takliflar IFAB tomonidan ma’qullansa, VARdagi bu o‘zgarish barcha turnirlarda qo‘llanilishi mumkin.

Yurgen Kloppning so‘zlariga ko‘ra, murabbiylar bu haqda elita murabbiylari forumida muhokama qilishgan.

“Bu o‘zgarishlar bizga haqiqiy futbolni qaytaradi. Chunki hujum qilayotgan jamoa arzimagan ofsayd tufayli, shuningdek, shubhali qarorlar tufayli jabr chekishyapti. Biz bu haqda gaplashdik va UYEFA bu g‘oyani ilgari surdi: shunchaki chiziqni qalinroq qilish kerak”, dedi Klopp.