Англия Премьер-лигаси клублари ҳакамлар билан ВАР ҳақида баҳслашишни давом эттирмоқдалар.  Мураббийлар ҳакамлар департаменти бошлиғи Майк Рилей билан мунтазам равишда учрашишяпти ва маслаҳатлашишяпти.

Яқинда бўлиб ўтган йиғилишда янги даъволар пайдо бўлди: ҳакамлар кўпинча ўзларининг аниқ бўлмаган офсайдлари туфайли голларни бекор қилишади. Клублар бундай эпизодларда ҳакамлардан ҳужумкор жамоага содиқликни талаб қиладилар, чунки бир неча сантиметр туфайли гол бекор қилингани мухлисларни ғазаблантиради.

Райли уларни тинглади ва ечимни таклиф қилди.

• Офсайд чизиғи кенглигини 10 сантиметргача ошириш. Бу ҳолда ушбу мавсумда бекор қилинган 19 та голдан 9таси ҳисобга олинарди.

• Қандай қилиб: ҳимоячи жойлашган чизиқ кенгроқ бўлади. Аммо ҳужум қилаётган томоннинг позициясини ўлчаш учун ишлатиладиган чизиқ аввалгидек қолади. Бироқ бу жуда оддий дея баҳоланяпти.

• Клублар чизиқни кенгайтиришнинг уч хил вариантини таклиф қилишди: 10, 15 ва 20 сантиметр. Офсайд чизиғи 20 сантиметр бўлганида бекор қилинган 19 та голдан 11 таси инобатга олинарди. Бу чизиқ 10 сантиметрга тенг бўлгандаги ҳолатдан атиги 2 та голга кўп.

• Ҳакамлар департамети бу таклифларни синашга рози, аммо бунинг учун ўйин қоидаларини тартибга солувчи Халқаро Футбол Уюшмалари Кенгашининг (IFAB) розилиги талаб қилинади. IFAB билан учрашув 29 февраль куни бўлиб ўтади.

Агар таклифлар IFAB томонидан маъқулланса, ВАРдаги бу ўзгариш барча турнирларда қўлланилиши мумкин.

Юрген Клоппнинг сўзларига кўра, мураббийлар бу ҳақда элита мураббийлари форумида муҳокама қилишган.

“Бу ўзгаришлар бизга ҳақиқий футболни қайтаради. Чунки ҳужум қилаётган жамоа арзимаган офсайд туфайли, шунингдек, шубҳали қарорлар туфайли жабр чекишяпти. Биз бу ҳақда гаплашдик ва УЕФА бу ғояни илгари сурди: шунчаки чизиқни қалинроқ қилиш керак”, деди Клопп.