Farg‘ona shahrida bo‘lib o‘tgan “Xokim kubogi-2020” turniridagi ishtirokidan so‘ng ikki kun hordiq olgan “Qo‘qon-1912” jamoasi a’zolari , kecha Toshkent shahrida to‘planishdi.

Baxtiyor Ashurmatov boshchiligidagi futbolchilar Toshkentda 22 fevral kuniga qadar o‘z mashg‘ulotlarini olib boradilar. Barchangizga ma’lumki “Shunqorlar” superliganing dastlabki tur uchrashuvini o‘z maydonlarida “Buxoro” jamoasiga qarshi o‘tkazishadi. Yigitlarimiz ushbu o‘yinga jiddiy tayyorlanish maqsadida Toshkentda bir nechta o‘rtoqlik uchrashuvlarini ham o‘tkazishadi. Hozircha ikki sparring raqiblarimiz ma’lum.

“Qo‘qon-1912” jamoasi 14 fevral kuni Muborakning “Mash’al” hamda 17 fevral kuni Jizzaxning “So‘g‘diyona” klublariga qarshi nazorat o‘yinlarida maydonga tushadilar.

Bugundan boshlab jamoa a’zolari “Bunyodkor” akademiyasiga qarashli maydonlarda kuniga ikki mahaldan mashg‘ulotlarda ishtirok etishadi.