"Yuventus" bosh murabbiyi Maurisio Sarri ertaga, 13 fevral kuni bo‘lib o‘tadigan "Milan"ga qarshi Italiya kubogi 1/2 final dastlabki o‘yini haqidagi fikrlari bilan o‘rtoqlashdi.
"Milan" o‘yin rejasi va natijalar bo‘yicha sezilarli ravishda o‘sdi. Ular yaxshi o‘yin ko‘rsatishgan derbidan so‘ng biz bilan o‘ynashadi. Bizni qiyin o‘yin kutmoqda, biz to‘la stadionda o‘ynaymiz. Albatta, Italiya kubogi yarimfinalida "Yuventus" bilan o‘yin har qanday raqibni ruhlantiradi.
Krishtianu Ronaldu hozir juda yaxshi holatda. Biz u bilan suhbatlashdik, u agar charchagan bo‘lsa, menga xabar berishini aytdi. Chiyellini yoshlar jamoasida 50 daqiqa o‘ynadi, ammo biz yana sinov o‘tkazishimiz kerak ", dedi bosh murabbiy.
