"Ювентус" бош мураббийи Маурицио Сарри эртага, 13 феврал куни бўлиб ўтадиган "Милан"га қарши Италия кубоги 1/2 финал дастлабки ўйини ҳақидаги фикрлари билан ўртоқлашди.
"Милан" ўйин режаси ва натижалар бўйича сезиларли равишда ўсди. Улар яхши ўйин кўрсатишган дербидан сўнг биз билан ўйнашади. Бизни қийин ўйин кутмоқда, биз тўла стадионда ўйнаймиз. Албатта, Италия кубоги яримфиналида "Ювентус" билан ўйин ҳар қандай рақибни руҳлантиради.
Криштиану Роналду ҳозир жуда яхши ҳолатда. Биз у билан суҳбатлашдик, у агар чарчаган бўлса, менга хабар беришини айтди. Чиеллини ёшлар жамоасида 50 дақиқа ўйнади, аммо биз яна синов ўтказишимиз керак ", деди бош мураббий.
