"Liverpul" bosh murabbiyi Yurgen Kloppning so‘zlariga ko‘ra, klub hali ham hujumchi Muhammad Salohni Tokioda bo‘lib o‘tadigan 2020 yilgi Olimpiada o‘yinlariga qo‘yib yuborish haqida qaror qabul qilmagan.

Eslatib o‘tamiz, Misr Olimpiya terma jamoasi bosh murabbiyi Shavki Garib 27 yoshli futbolchini Olimpiada o‘yinlariga chaqiriladigan nomzodlar ro‘yxatiga kiritgan edi.

- Men mavsumoldi yig‘inlarida futbolchini yo‘qotishni xohlaymanmi? Yo‘q, albatta. To‘g‘ri, biz turli variantlarni ko‘rib chiqishimiz kerak. Bizga ko‘proq ma’lumot kerak. Hammasi qanday tus oladi? Tayyorgarlik qachon boshlanadi? Keyin nima bo‘lishini ko‘ramiz. Hali hech kim biz bilan bog‘lanmagan, shuning uchun biz Salah va Olimpiada haqida hali qaror qabud qilmadik.

Olimpiada turniri 22 iyuldan 8 avgustgacha bo‘lib o‘tadi.

Agar Saloh olimpiadaga boradigan bo‘lsa, mavsumoldi tayyorgarlikni va Angliya chempionatining 2020/21-mavsumdagi dastlabki turlarini o‘tkazib yuborishi mumkin.