Italiya chempionatining 24-turi doirasida bo‘lib o‘tgan markaziy o‘yin Rimdagi "Olimpiko" stadionida bo‘lib o‘tdi. «Lasio» o‘z uyida «Inter»ni qabul qilib, irodali g‘alabani qo‘lga kiritdi.

Birinchi bo‘lim so‘ngida "neradzurri" qarshi hujum tashkil qilib, hisobni ochishga muvaffaq bo‘ldi. Gol muallifi — Eshli Yang.

Ikkinchi bo‘lim boshida esa milanliklar darvozasi tomon penalti belgilandi. A seriya to‘purari Chiro Immobile undan samarali foydalandi.

Bahsning 69-daqiqasida esa Milinkovich-Savich "Lasio"ga g‘alaba keltiruvchi gol muallifiga aylandi.

Ushbu g‘alaba tufayli "Lasio" o‘z ochkolarini 56taga yetkazgan holda, "Inter"dan o‘tib ketdi. Indzagi shogirdlari peshqadam «Yuventus»dan 1 ochko ortda qolishmoqda.

«Burgutlar» Italiya chempionatida 19ta o‘yindan beri mag‘lubiyat nimaligini bilmayapti.

Italiya A seriyasi, 24-tur
Lasio – Inter 2:1 (0:1, 2:0)
Gollar: 0:1 – 44 Yang, 1:1 – 50, penalti Immobile, 2:1 – 69 Milinkovich-Savich.
Lasio – Strakosha, Acherbi, Radu, Luis Felipe, Milinkovich-Savich, Marushich, Luis Alberto, Leyva (Kataldi, 80), Xoni Rodriges (Lassari, 63), Immobile, Kaysedo (Korrea, 63).
Inter – Padelli, Godin (Sanches, 86), de Vrey, Shkrinyar, Yang, Barella, Brozovich (Eriksen, 77), Vesino, Kandreva (Mozes, 76), Martines, Lukaku.
Ogohlantirishlar: de Vrey (49), Leyva (51), Luis Felipe (57), Godin (79), Lassari (90), Milinkovich-Savich (90).