Londonning «Chelsi» klubi himoyachisi Sesar Aspilikueta «Manchester Yunayted» (0:2) klubiga qarshi bo‘lib o‘tgan o‘yin haqidagi fikrlari bilan o‘rtoqlashdi.

— Ikkita asosiy vaziyat sabab uchrashuvda mag‘lubiyatga uchradik. Biz juda yaxshi o‘ynadik, g‘alaba qozonishga yaqin kelgandik. Meni g‘azablantirgan narsa shuki, hakam asosiy qarorni qabul qilish uchun monitorga qarashi shart edi. Bunday qarorlarni qabul qilish uchun hakamlar albatta monitorga qarashi kerak. Albatta, Zuma gol kiritgan pallada men Uilyams bilan to‘g‘nashib ketdik, lekin men unga nisbatan qo‘pollik qilmadim. Lekin shunday bo‘lsada ular monitorga qarashi kerak, bu uchun atigi 30 soniya talab etilardi. Hakam maydonda qaror qabul qilish uchun kerak. Biz juda g‘azabdamiz va VARni orqasiga yashirina olmaymiz. Mavjud bo‘lgan barcha ustunligimiz barbod bo‘ldi. Oldinda muhim o‘yinlar bor. Shanba kuni «Tottenxem»ga qarshi o‘ynaymiz va bu Londor derbisi bo‘ladi, - Aspilikuetaning so‘zlaridan iqtibos keltirmoqda BBC.