Londonning "Tottenxem" klubi bosh murabbiyi Joze MourinyoYECHLda yubiley uchrashuvini o‘tkazdi.

Germaniyaning "RB Leypsig" klubiga qarshi 1/8 final bosqichida bo‘lib o‘tgan uchrashuv portugaliyalik mutaxassisning YECHLdagi 150-o‘yini bo‘ldi.

Avvalroq bu natijani Aleks Fergyuson, Arsen Venger va Karlo Anchelottilar qayd etishgandi.

Mourinyo o‘tkazilgan 150 ta uchrashuvda g‘alaba qozongan murabbiylar orasida ikkinchi o‘rinda turibdi. U 81 ta uchrashuvda g‘olib chiqishga erishgan. Birinchi o‘rinni esa 84 ta uchrashuvda g‘alaba qozongan Anchelotti egallab turibdi.