AZ, “Astana” va “Partizan” va bugungi “Bryugge”. Bularning barchasi “Manchester Yunayted”ning darajasi emas, biroq voqeyligidir.

Aslida Serdan so‘ng o‘zini tiklashga urinayotgan "MYU"da bugun holat stabil! Klub Fergyusondan so‘ng ilk bor bir o‘yinda 6 ta gol urdi (“Tranmer Rovers” 0:6). Bundan tashqari so‘nggi o‘yinlar orasida “Manchester Siti” va “Chelsi” ustidan qozonilgan (0:1, 0:2) g‘alabalar bor.

Umuman esa Yevropa ligasi joriy pley-offida “Inter”, “Arsenal”, “Ayaks”, “Roma” va “Portu” kabi klublar harakat qilar ekan, "MYU" ko‘zini yumib bu turnirni CHLga tenglashi mumkin. Qolganlar ham shunday tutishadi o‘zlarini, menimcha. Bundan tashqari Sulsher zaxira aerodromiga muhtoj. Ya’ni, APLda garchi "MS" atrofidagi mashmashalardan so‘ng 5-o‘rin ham CHL yo‘llanmasini taqdim etishi oydinlashib qolgan bo‘lsada, vaziyatdan foydanmoqchi bo‘lgan klublar ham yetarli. Bunday vaziyatda YEL bosh sovrini zarar qilmaydi klubga. Qo‘shimchasiga, yaqin o‘tmishda qizillar buni uddalashgan.

Muammolar ham yo‘q emas. Reshford uzoq muddatga safdan chiqqani ma’lum, Pogbaning darsda qatnashmaslik uchun bahona izlayotgan boladan farqi qolmadi. Himoyadagi xatolar ham minimallashmadi hali.

Endi, “Bryugge” jamoasiga to‘xtalsak. Belgiyaliklar mavsumni tepa qavatda boshlashgandi. Ular CHL guruh bosqichida “Real” va "PSJ"ning asabini sinovdan o‘tkazib ulgurishgan. Ichki chempionatda yakka yetakchi bo‘lib olgan Filipp Kleman shogirdlari "MYU"ga qarshi zarracha bosimsiz o‘yin o‘tkazishlari mumkin.

"MYU" muxlislariga-ku alohida aytish shart emas! Ular bugungi o‘yinni o‘tkazib yuborishmasa kerak. Neytral muxlislarni ham o‘yinni ko‘rishga chaqiraman-ki, savollari ko‘p to‘qnashuv aynan shunisiga o‘xshamoqda!

Futbol TV
22:55

Orif Tolipov.