АЗ, “Астана” ва “Партизан” ва бугунги “Брюгге”. Буларнинг барчаси “Манчестер Юнайтед”нинг даражаси эмас, бироқ воқейлигидир.

Аслида Сэрдан сўнг ўзини тиклашга уринаётган "МЮ"да бугун ҳолат стабил! Клуб Фергюсондан сўнг илк бор бир ўйинда 6 та гол урди (“Транмер Роверс” 0:6). Бундан ташқари сўнгги ўйинлар орасида “Манчестер Сити” ва “Челси” устидан қозонилган (0:1, 0:2) ғалабалар бор.

Умуман эса Европа лигаси жорий плей-оффида “Интер”, “Арсенал”, “Аякс”, “Рома” ва “Порту” каби клублар ҳаракат қилар экан, "МЮ" кўзини юмиб бу турнирни ЧЛга тенглаши мумкин. Қолганлар ҳам шундай тутишади ўзларини, менимча. Бундан ташқари Сульшер захира аэродромига муҳтож. Яъни, АПЛда гарчи "МС" атрофидаги машмашалардан сўнг 5-ўрин ҳам ЧЛ йўлланмасини тақдим этиши ойдинлашиб қолган бўлсада, вазиятдан фойданмоқчи бўлган клублар ҳам етарли. Бундай вазиятда ЕЛ бош соврини зарар қилмайди клубга. Қўшимчасига, яқин ўтмишда қизиллар буни уддалашган.

Муаммолар ҳам йўқ эмас. Рэшфорд узоқ муддатга сафдан чиққани маълум, Погбанинг дарсда қатнашмаслик учун баҳона излаётган боладан фарқи қолмади. Ҳимоядаги хатолар ҳам минималлашмади ҳали.

Энди, “Брюгге” жамоасига тўхталсак. Бельгияликлар мавсумни тепа қаватда бошлашганди. Улар ЧЛ гуруҳ босқичида “Реал” ва "ПСЖ"нинг асабини синовдан ўтказиб улгуришган. Ички чемпионатда якка етакчи бўлиб олган Филипп Клеман шогирдлари "МЮ"га қарши заррача босимсиз ўйин ўтказишлари мумкин.

"МЮ" мухлисларига-ку алоҳида айтиш шарт эмас! Улар бугунги ўйинни ўтказиб юборишмаса керак. Нейтрал мухлисларни ҳам ўйинни кўришга чақираман-ки, саволлари кўп тўқнашув айнан шунисига ўхшамоқда!

Футбол ТВ
22:55

Ориф Толипов.